كورس .. منقول من معهد تدريب القادة بالشرق الاوسط
هذا الكورس مكون من 12 أختبار علشان تعرف أحساسك ناحية الطرف الاخر ... هل هو حب حقيقى أم مجرد أعجاب ؟؟
كورس شيق جدا ... ومفيد جدا للشباب والمراهقين .... تابعوا ... على هذة المدونة فقط ....كل يوم سوف يتم تنزيل أختبارين تباعا
وسوف نقوم اليوم بعرض أول أختبارين
...................................................................
في كل مره بتجاوب على سؤال لو لقيت إجابتك إنها حب احسب لنفسك نقطة برمز ال (ح) ولو كانت إجابتك إنه إعجاب احسب نقطة برمز الـ (إ) طيب ممكن ألاقي للسؤال إجابتين عندي (ح و إ ؟
أيوه
ممكن لكن اللي هتحسبه هو اللي بيميل لـ اللي جواك أكتر ولو بـ 1% زيادة
يعني لو ٥١ %حب يبقى حب
...................................................................
أولا :- أختبار الوقت :-
الحب بيستفيد ويكبر من خلال الوقت، أما الإعجاب فبيقل وينقص مع الوقت. ممكن الإعجاب ييجي فجأة وألاقي نفسي بفكر"بوم ! أنا بحب " لكن دا مش حب لأن دا وقوع مفاجئ ودا يحصل في الإعجاب لكن الحب مش بينفع نقع فيه .. الشهوة يتوقع فيها، الإعجاب يتوقع فيه لكن الحب لأ لأن الحب لازم نكبر فيه مع الوقت وبصدق.
الحب بيتطور مع العلاقة والاهتمام، بيتطور مع صفات الشخصية الأساسية ومش من الإنبهار الفوري بالشخص التاني . ممكن الإعجاب يظهر في أي لحظة لكن الحب الحقيقي بياخد فترة وعلشان كدا بلاش تصرح/ى بحبك إلا بعد مرور فترة معقولة من الوقت.
هل بتحتفظ بكلمة الحب لشيء أفضل من مجرد المشاعر؟
تفتكر محتاج وقت قد أيه قبل ما يتعرف الحب بوضوح؟
لو لقيت نفسك واقع في الحب في أغلب الأوقات وفي فترات سريعة وبعدين تلاقي نفسك محبط يبقى ممكن الاختبار دا ينقذك من وجع القلب في المستقبل ويساعدك تعرف الحب الحقيقي
..........................................................
ثانيا: - أختبار المعرفة :-
الحب بيكبر من تقييم كل الصفات المعروفة للشخص التاني .
ممكن الإعجاب ييجي من الإنبهار بصفة واحدة بس من الصفات المعروفة في الطرف التاني .وحاجه واحدة بس تظهر بعد كدا من الشخصية نفسها سواء تصرف أو أي رد فعل تلاقي إن كل الفكرة اللي آنت واخدها عنه /عنها مشوهة جداً وتكتشف إنك مش عارف شخصية اللي معجب بيه أو فاكر نفسك بتحبه .بصراحة ممكن في لمحة أو لقاء صدفة إنه يحصل نوع من التحفز اللي يفجر الكيماويات جوانا لكن دا مش حب!!.
لو جربت تسأل اتنين مرتبطين أو حتى في فرحهم إنه كل واحد يديلك تعريف مفصل عن شريك حياته للأسف الإجابة هتكون كلام عايم مش محدد زي (دايماً بتحتويني، دمه خفيف ) وحاجات كتير من الكلام دا لأنهم اتشدوا لبعض وبس ولو سألتهم سؤال تاني انتو ليه ارتبطوا أو اتجوزتوا هتلاقي نفس الإجابات العايمة وللأسف برده نسبة قليلة جداً اللي هترد وتقول (لأننا بنحب بعض).
الإعجاب بيعيش في عالم مزيف بيكو ن فيه الشخص اللي بنحبه مزيف، مفيهوش عيوب، مش وراه غيرك.
الإعجاب بيكتفي بالقليل جداً أما الحب فدايماً مشتاق إنه يعرف اللي قدامه أكتر.
الحب دايماً عايز يدرس احتياجات، أحلام، رغبات، آمال الطرف التاني لأنه عايز يعمل كل اللي يقدر عليه عشان يحولها لواقع.
الحب مش بيهتم باللي ممكن يلاقيه لكن بيهتم باللي ممكن يقدمه.
الحب يشبه الدراسة في الجامعة أو المدرسة بيمسك الطرف التاني ويدرسه من أكتر من اتجاه وكل ما عرف عنه أكتر كل ما حب يتطور فيه أكتر.
طيب شايف نفسك تعرف الطرف التاني قد أيه؟ تقدر توصف الهدف الأساسي لحياته؟ تقدر تعدد ٣ أهداف الطرف التاني عايز يحققهم في السنين اللي جايه؟ هل في أمنية معينه تتمنى إنه يوصل لها في وقت من الأوقات؟ طيب فكرت إزاي ممكن تساعده/ها على تحقيق الحلم دا؟
الإعجاب بيقرر أنه يعرف كل اللي محتاج يعرفة بسرعة أما الحب الحقيقي فبيخلق جو من الإهتمام فتلاقي الطرف التاني بيتفتح قدامك وبسهولة
بدي اختبارات حقيقية مش مواضيع بس
ردحذفأخى العزيز ، هذة الآختبارات تساعدك فى أن تسأل نفسك هذة الآسئلة ؟ وتعرف أذا كٌنت تعرف أن ما تمر بة هى مشاعر حب أم إعجاب .. فمها أتيت إليك بأختبارات ليقول نعم لك أم لا ؟ فهذا تدخل فى قرارك الشخصى وحدك ...
ردحذفأشكرك من أجل أهتمامك بالمدونة ومتابعتها ، وأنتظر المزيد من المواضيع فى مجال العلاقات العاطفية .. ريمون
الحب دايماً عايز يدرس احتياجات، أحلام، رغبات، آمال الطرف التاني لأنه عايز يعمل كل اللي يقدر عليه عشان يحولها لواقع.
ردحذفكلام عميق جدا.