١٢ أختبار علشان تعرف هل هذا حب أم إعجاب ؟؟( الجزء الثالث)

 

 

خامسا :- الإحساس بالأمان :

الحب الحقيقي بيسبب الإحساس بالأمان ومشاعر الثقة.. الشخص المعجب على طول عنده إحساس أعمى بالأمان مسنود على أحلامة... الإعجاب يعتبر أعمى مش بيشوف المشاكل، ساعات الأمان الأعمى دا بيبان على شكل غيرة لأن الإحساس الحقيقي بالأمان لازم ينبع ويكبر بمعرفتك القوية بالطرف التاني، مبادئة، سلوكة ومن كتر ما تعرفه كويس تحس بالأمان والاطمئنان... مش هتحس بالغيرة لأنك عارف ان قلبه ملكك "غالباً الغيرة بتكون عدم ثقة"..

-أيه الدور اللي بتلعبه الغيرة في علاقتك؟

-أزاي تقدر توصف مدى الأمان في علاقتك؟

-المشاكل اللي بتحصل بتأثر إلى أي على إحساسكبالأمان في علاقتك؟

الحب الحقيقي بياخد في اعتبارة كل العلاقة مش المشاعر المؤقتة أو المشاكل اللي بتحصل فجأة.

سادسا :- اختبار العمل:

الشخص اللي بيحب بيعمل حاجة عشان الطرف التاني، عشان تنفعه وتسعده.. الشخص اللي في حالة إعجاب بيعمل عكس كدا.. بيفقد شهيته وطموحة، اهتمامة بالحياة... البنت اللي بتحب ممكن تدرس حاجة عشان تخلي شريكها فخور بيها. الراجل اللي بيحب بيفكر ويخطط ازاي يكبر عشان خاطر مراته . الطرفين في الحب الحقيقي ممكن يغرقوا في أحلام اليقظة ويحولوها لحقيقة جميلة.

الأشخاص اللي في حالة إعجاب مش بيفكروا غير في تعاستهم.. وبيغرقوا في تعاستهم عشان أحلامهم مش واقعية دايماً بتتكلم عن أهداف مش واقعية ومش بيقدرو ايحققوها.. ساعات بيعيشوا في الأحلام دي على إنها الواقع فيبقى كل طرف منهم عايش في أحلامة لوحدة وملوش دعوة الطرف التاني عايش فـ أيه وازاي.. كل واحد عايش في العالم الوهمي بتاعه.

قابلت واحد قبل كدا كان معجب جداً جداً، كان بيروح كل مشاويرة في معاد بالظبط، كان معروف بإخلاصة وعنده برنامج منظم وفجأة كل حاجة اتغيرت بدأ يعيش فيفوضى.. أكيد دا مش حب دا طبعاً إعجاب..

لما بتحب شخص بيبقى عندك تقييم دقيق للعلاقة وعلى طول بتكبرها. لو الطرف التاني على طول متضايق فدا إعجاب. لو كنت عارف انك لازم تحوش شوية فلوس وبتعمل كدا والطرف التاني ولا هامه وولا على باله فدا مش حب لأن هدفكم مش واحد.. دا إعجاب. الإعجاب بييجي على حساب العلاقة لكن الحب بيبنيها.

 *لما الموضوع يبقى متوقف على تقديم مجهود منك عشانتنجح علاقتك بشريكك أيه الدرجة اللي هتديها لنفسك؟؟؟