تاسعا :- اختبار الانجذاب الجسدي :
الانجذاب الجسدي جزء صغير من الحب الحقيقي لكن في الإعجاب هو أكتر حاجة بتكون مهمة.
كلمة جزء صغير هنا مش معناها إنه مش مهم ولا حاجة لأ لأنه لو مش بتحس ان دقات قلبك بتبقى أسرع من وقت للتاني ومش بتحس انك مشدود للطرف التاني من خلال علاقة الحب اللي انتوا فيها يبقى عندك مشكلة. يبقى احنا متفقين على إن الانجذاب الجسدي لازم يكون ليه مكان في الحب ودا اللي ربنا خلقنا عليه.
كلنا عارفين ان ثقافتنا الشرقية دايماً بتركز على الإنجذاب الجنسي وتخليه هو الهدف الأساسي و الرئيسي من الحب وبتقولنا امشوا في أقصر الطرق اللي توصلكم للإشباع الجنسي على اساس انه أفضل طريقة عشان تلاقوا الحب.
الحقيقة ان الطريق دا دايماً مايل ومدمر لأننا بننسى المكونات التانية والأساسية للحب زي ان الحب بيدي قبل ما بياخد، الحب بيحس بالصداقة. الحب الحقيقي لازم يكون جواه التلات أنواع بتوع الحب اللي اتكلمنا عنهم سوا قبل كدا مع بعض واللي ممكن يقل منهم هو حب
الإنجذاب الجنسي ودا في حالة ما يكون الطرفين في مرحلة انهم عايزين يبنوا علاقة صح.
في الإعجاب الانجذاب الجسدي بيكون أول حاجة والقمة بالنسبة لهم.. في فكرة منتشرة لكنها غلط أوي بتقول إنه لما اتشد أو انجذب لشخص فدا تأكيد على اني بحبه بس الواقع ان دا معناه ببساطة ان الشخص اللي اتشديت ليه شكله/لها جميل.
الكيمياء اللي جواك استجابت للشخص دا وعشان كدا قولت "واااااااااو" أول ما اتقابلتوا لكن
فعلياً لو قابلت 4 أو 5 أشخاص تانيين بنفس المواصفات في نفس اليوم هتتكتشف انك اعجبت بيهم وتقول نفي الـ "وااااااااااو" للكل.
في الحب الحقيقي مش الإعجاب الطرفين مش بيحاولوا ياخدوا إشباع الشهوة من بعض عن طريق ممارسة الجنس لكن بالكلام والأفعال بيعرف ويقهم الطرف التاني.. يعني لو مسكتي إيده انت بتقول يإن في ثقة بينكم وبتكبر وهنا العلاقة بتاخد خطوات للعمق وبتبقى أكبر من حب أو صداقة..
مش لازم يكون في سؤال امته أمسك إيده/ها؟ امتى نقرب من بعض؟الأحاسيس دي مفيش إجابة ليها تكون امتى لأن الاتنين بيفهموا بعض ومش بيكون السؤال امته لكن بيكون أيه اللي ممكن نكتشفه مع بعض وننقله كل واحد للتاني عن التزامنا وحبنا وعن علاقتنا بربنا مع بعض.
اللي بيحصل للأسف انه الناس بترتبط عشان الإشباع الجسدي أولاً ومش مهم باقي جوانب الحب الي بتساعد الحب يكبر وتخلينا نستمتع بيه بجد في كل ظروف حياتنا وبالتالي النتيجة بتكون كارثة..جروح، علاقات مفككة، ناس مش بتثق في بعضها مع ان دي أهم نقطة بيحتاجها الحب عشان يكبر.
الجنس والحب مش نفس الشيء. الحب رائع والجنس رائع لكن كل واحد منهم ليه مكانة ومركزة في العلاقة عشان نحس بروعتهم.
-أيه عدد الحاجات الإيجابية والحاجات المفرحة في علاقتك واللي ملهاش علاقة بالإنجذاب الجسدي بينكم؟
-الطرف التاني بيعبر عن حبه ليك ازاي بعيد عن التلامس الجسدي؟
...................................................................
عاشرا :- اختبار العواطف :
في الحب الحقیقي التعبير عن العواطف بيكون في فترة متأخرة من العلاقة ومن ضمنة التعبير عن الانجذاب الجسدي للطرف التاني.
في الإعجاب التعبير عن الانجذاب بيكون أول حاجة وممكن يكون هو أصلاً البداية. العواطف دي بوتصلنا لمشاعر متوهجة جنسية أكتر وبما إنها إعجاب فباقي جوانب الحب مش متوفرة فبتستهلك العواطف كلها في الاتجاه دا. بنتوهم اننا قريبين من بعض بس الواقع إن داق رب مؤقت وضعيف لكن العواطف في الحب الحقيقي بتيجي عن فهم عميق وصداقة قوية وبالتالي بيكون ليها معنى وقيمة. في الحالة دي شريكك بيكتشف بكل الطرق إنه محبوب منك.
-هل بتستخدم انت وشريكك العواطف عشان يشوف كل واحد منكم قد أيه بيفهمالتاني؟
-بتقدر تبين في علاقتك العاطفية لشريكك كل نواحي الحب (حب الصداقة، الحب الليبيدي قبل ما ياخد)؟
الموضوع رائع بس انا نفسى افهم لو ربنا بعت هديه(شخص مناسب) و انا رفضته لعدم النضج مثلا هل الله هيبعت هديه تانى
ردحذفانا عارفة ان الله هداياه مش بتخلص
عايزه اساله ايه رايك ف الى بيستنوا بعض يعنى مثلا بنت تستنى شريكها لما يكون نفسه ولا الافضل انها من الاول تحتفظ بمشاعرها لشخص جاهز للزواج
ايه رايك ف الخوف من الزواج انا بحس انى محتاجه حاجه قويه اوى عشان اتزوج
اختى العزيزة : أولا اتشرف جدا بزيارتك للمدونة وتفاعلك مع المواضيع وووصفك بالرائع لها ..
ردحذفثانيا :- هاتكلم معاكى بطريقة بسيطة ، تعالى نفكر كدة مع بعض : هل ربنا اساسا هايبعتلك شخص زى ما انتى بتقولى ( هدية ) وهو لسة ماوصلش لمرحلة النضوج الكاملة لفتح بيت ؟؟ هل يسمح اللة بارسال شخص لكى تستنزفى مشاعر وعواطف معاة وهو غير ناضج ؟؟ اعتقد لا فاللة يرسل الرجل المناسب فى التوقيت المناسب حينما تكونى انتى مناسبة ،،،
ثالثا :- رأى لو أرتبطى بشخص وهو مثلا قدامة فترة سنة او سنتين لسبب انة لسة بيكون نفسة مممكن تستنية دة فى حالة انك متاكدة انة الشخص المناسب ليكى فى جوانب الشخصية والمادية والاجتماعية (فى هذة الحالة فقط ) لكن لو فى احتمال انكم تسيبوا بعض او لسة مش متاكدة انة الشخص المناسب ، أنصحك بالاحتفاظ بمشاعرك
رابعا :- الزواج هو أختراع الهى وليس اختراع بشرى ، وما تشاهدينة من مشاكل زوجية فى عالمنا ماهى إلا للاختيار الخاطء وعدم التأنى واخد راى اللة فى هذا الموضوع ، فالزاوج شء سامى جدا ، فلاتجعلى احد او موقف يجعلك تخافى منة ..
أتمنى انى اكون قدرت ارد على اسئلك بشكل موضوعى ، وارحب باى استفسارات أخرى ... ريمون